Autor: onogost.me
Foto: FK Sutjeska
14:38
13.2.2018.

Ćuković pojačao Kamzu

Igor Ćuković novi je član Kamze. Bivši štoper Sutjeske, koji je prethodne sezone nastupao u Norveškoj, dogovorio se sa čelnicima superligaša iz Albanije, a na sinoćnjem meču protiv Kukešija dobio je priliku da u drugom minutu nadoknade debituje.


Interesantno je da će Igor Ćuković tako ponovo biti u timu sa Japancem Masatom Fukuijem, koji je dvije sezone nastupao za Sutjesku, a nakon Tirane i Skenderbega na početku sezone došao je u Kamzu.

Fukui je jedan od najstandardnijih igrača Kamze, za koju igra i Stevan Račić, nekadašnji član Čelika, protiv kojeg je Ćuković kao prvotimac “plavih” igrao dvije sezone.

Kao dijete Sutjeske, Ćuković je prošao sve mlađe kategorije i osvojio veliki broj pehara u “plavo-bijelom” dresu.

Bio je i član crnogorske reprezentacije u svim uzrastnim kategorijama, a onda se odlučio da potraži angažman u inostranstvu. Iako je bio već promovisan kao pojačanje Iskre, potpisao je jednogodišnji ugovor sa norveškim Elverumom, gdje je odigrao 27 utakmica.

 

Izvor: Arena

Facebook komentari

Ostale vijesti iz kategorije