Nema karantina za pomorce koji u Crnu Goru prolaze kroz “zeleni koridor”

Pomorci koji se iskrcavaju u državama sa stopom aktivnih slučajeva nižom od 25/100.000 stanovnika i dolaze preko te države ili preko drugih država koje takođe imaju stopu aktivnih slučajeva manju od 25/100.000 stanovnika (tzv. „zeleni koridor“) po dolasku u Crnu Goru ne moraju da idu u karantin niti u samoizolaciju.

Prema procjeni nadležnog epidemiologa, a u skladu sa odredbama Zakona o zaštiti stanovništva od zaraznih bolesti, po potrebi mogu biti uzorkovani i testirani na novi koronavirus.

Pomorcima koji se iskrcavaju u državama sa stopom aktivnih slučajeva nižom od 25/100.000 stanovnika, a u tranzitu prolaze ili nakon iskrcaja borave u državama koje imaju više od 25 aktivnih slučajeva na 100.000 stanovnika po dolasku u Crnu Goru se smještaju u institucionalne karantine u trajanju od sedam dana nakon čega se mogu prebaciti u kućnu samoizolaciju do isteka 14 dana nakon povratka.

Testiranje na novi koronavirus će se obaviti ili u karantinu ili u samoizolaciji.

Pomorci koji se iskrcavaju u državama sa sa stopom aktivnih slučajeva višom od 25/100.000 stanovnika, bez obzira na to koje će države posjetiti u tranzitu do Crne Gore, smještaju se po dolasku u Crnu Goru u institucionalne karantine u trajanju od sedam dana nakon čega se mogu prebaciti u kućnu samoizolaciju do isteka 14 dana nakon povratka. Testiranje na novi koronavirus će se obaviti ili u karantinu ili u samoizolaciji.

Konstatovano je da su NKT i Vlada u dosadašnjem radu sproveli niz aktivnosti kako bi omogućili našim pomorcima dolazak u Crnu Goru, kada je bilo potrebno i tranzit preko trećih država, kao i ukrcaj na strane brodove. I današnja mjera prema našim pomorcima rezultat je razumijevanja teškog posla kojim se bave – konstatovano je na sjednici uz riješenost da se pojedinačni slučajevi kršenja pravila u karantinima, kakvi su se događali, budu procesuirani odlučno i efikasno.

Na računu za donacije oko 6,26 miliona eura i oko 76 hiljada dolara

NKT je usvojilo Deveti Izvještaj Operativnog štaba za upravljanje donacijama.

U Izvještaju se navodi da je  računu za donacije iznosilo 6.261.244,89 eura i 75.971,72 američkih dolara.

Žiro račun NKT otvoren je na inicijativu brojnih pojedinaca i kompanija iz zemlje i inostranstva koji su ukupno donirali 8.019.418,22 eura i 75.971,72 američkih dolara.